DR PC BIAKSIAMA LEHLIN KING JAMES BIBLE TLANGZARH
8th November, 2017 (MSR) : Nimin chawhma dar 11 khan Dr. PC Biaksiama'n King James Bible Mizotawnga a lehlin chu Booth Mansion Conference Hall-ah tlangzarh a ni.
He Bible thar hi Rev. Prof. K.Thanzauva, BCM President hluiin a tlangzarh a, he lehkhabu chhuahtu Pu F.Kapsanga chuan thu a sawi bawk. Pu F.Rodingliana, Dawrpui chuan lawmthu sawiin inkhawm hi a tin a ni.
Tlangzarhna inkhawmah hian tunlai khawvela Bible chhuak tawh zinga ringtu tam berin Pathian thu, diklo theilo anga an chhiara an pawm tlat, khawvel mipui maktaduai tam takin Lal Isua Krista chanchintha leh chatuan nun an lo chhar chhuahna bulpui ber tia sawi ngam chu King James Version hi a nih thu tarlan a ni a, tun thleng hian English-a Bible lehlin bu chi hrang hrang zahnih chuang zet a awm tawh a, a la awm belh zel. He Bible hian er leh do rawn a hlawh hle reng a, Mizotawnga lehlin a lo nih pawh hian 'do rawn' dinhmun bawk chu a rawn luah tan ve der a ni tih he tlangzarh inkhawmah hian tarlan a ni.
He Bible hi copy sing chuang chhut a ni a, Rs. 500/- man leh Rs. 600/- man a ni. He King James Bible Mizotawng-a lehlin thar tlangzarhnaah hian mi an kal thahnem hle.
He Bible King Jsmes version lehlin ka hmuh hian ka lawm a, a letlingtu pawh fakawm ka ti in ka chhuang hle ani. Chu tih laia min ngaihtuah tir tu chu a publish na permission ah hian private hmalak na hi kohhran hming in emaw pawl ( BSI, PCI, BCM etc) chhuah engtinnge an phak sak theih ang; a nih loh leh a lehlin that em vang hian private tak in an chhuah tawp mai nge ni ang tih chauh ani a, publish theih a ahan awm ta mai hi mak ka lo tih zawk vang ani.
ReplyDeleteKa lawmhpui khawp a che u. Lalpa ropui na ni zel rawh se.